Komunikado di prensa

REFINERIA DI KORSOU TA INISIA BUSKEDA NOBO PA UN PARTNER PA UN FUTURO DURADERO DI REFINERIA

Willemstad 17 di yuli 2020-  Refineria di Kòrsou (RdK) a informá e kompania Grupo Klesch ku e Asset Purchase and Sales Agremeent (APSA) firma na Desèmber 2019 a terminá.  RdK lo bai  inisiá un proseso nobo transparente di búskeda pa un operadó nobo pa e fasilidatnan petrolero pa asina krea un futuro duradero pa nos refineria. 

Gobièrnu su mandato na RdK ta pa sigurá un operadó pa tempu largu pa e fasilidatnan petrolero di RdK. RdK a instalá un Project Management Organization (PMO) ku a kuminsá ku e proseso pa haña un operadó nobo pa e  fasilidatnan petrolero di Rdk na febrüari 2019.  A kana un proseso rigoroso i transparente ku kriterionan bon definí di antemano, ku a informá tur partido partisipante di dje.  Finalmente a firma e APSA na Desèmber 2019 ku Grupo Klesch.

Awor ku a terminá e APSA, RdK ta optá pa inisiá un trayekto pa wak ku por tin otro partido ku ta interesá den un futuro duradero di RdK su fasilidatnan petrolero i ku por kumplí ku e eksigenshanan rigido pa garantisá un operashon prudente i duradero. E trayekto un biaha mas lo ta unu rigoroso i transparente abase di kriterionan bon defini.

-FIN-